ياعن جد بوهم بنات الأصول
كرهت حاجة اسمها بنات أصل
شنوة ها الهم هذا
ميزيش موجودين في انستيتوسيون اسمها مارياج والّي هي
a sens unique
ويكملو عليك بالترمونولوجي بنت الأصول
أصبر يعيش بنتي
استحمل
لاك لولة لاك لخرة
احمد ربي انت، ثما ما أتعس
مالو الاّ راجل
هذاك ابتلاء من عند ربي، أصبر
الضغط الضغط الضغط
لين الواحد يحس في روحو يتنفخ يتنفخ
ويولي كي الفوشيكة
وهي لحكاية تاقف غادي، واش شخص
زن زن زن زن
جيب صغير يملا عليك الدار
جيب صغير تو يتبدل
يا ولادي أنا نحبو يتبدل على خاطري ،موش على خاطر حاجة ميزالت ماجاتش
يعيش بنتي هني على روحك
موش متاعنا الشي هذا
وعلى خاطربنات الأصول
لازمك تسكر فمك
لازمك تضحك
لازمك تستحمل المقت
وحتى كي يبدى يعمل في الأتعس
تستحمد
وتبوس يديك من تالي ومن قدام
وتقول
هذيكة مغرفتي شنوة هزت
وانا اخترت
assume tawa!!!
ازززززززححححح
أنا قلتلهم من أصلو نحب نعرّس؟
كان موش هوما بداو
زن زن زن زن
ما نرضاش عليك
خليتني بحسرتي عليك
(تقول قاعدة نطلع في الروح)
ومن بعد كل واحد يجبد روحو ويقلك دبر راسك
5 commentaires:
Houa men nahiet yelzmek tehmed rabbi et testahmel, lezmek.
il3echra s3iba ya Antigone. et c'est vrai que tout dépend de toi.
aya Courage. COURAGE
@abdou:yeaichek
ama rahou il ne s'agit pas de moi ya abdou
nahki w barra:P
hetta ena nahki oubarra
قلت نفرغ قلبي
نفضفض
نسيّب غلي
نتفرهد
@abdou:kif heya lahkaya haka
أحكي خويا أحكي
فرغ قلبك
فضفض
سيب غلك
تفرهد
هذا هو
الصدر الحنين...اه البلوغ الحنين
je suis homme mais je pense que tant il y a "bnet el ousoul" je pense que quand un homme se présente il doit être wild asl.sinon, il l'usera et ne sera jamais en mesure de se donner à coeur joie pour elle et là, tout leur univers part en couilles.je ne sais pas si tu as déjà vécu l'expérience mais si un jour t'as la chance de choisir, regarde avant tout si c'est un "wild asl".
Enregistrer un commentaire