الترجيع هوني بمعنى الرّدان
الحكاية هاذي بدات مالصغرة
وين قلبي يدق مصارني تتعقد وكرشي تولي تعصر ويكثر عليّ الردّان
تقول مرا تتوحم
تتقص الشاهية متاع الماكلة
وجهي يلخلخ
تطلعلي السخانة
وكل صباح
نبدى بسنفونية الأع الأع
نولّي مالبصقة نشد فران
نكش ونش
وقلبي يبدى يدق تقولش باب باش يخلعوه
راهو للعبد الي يفهم لواحد بعقلو موش كيفي أنا
يعرفها الحكاية بيدونة
اذا كان بدات بالأوصاف هاذي
سي سارتان
انه النهاية
ماهياش باش تطلع لا مصرية ولا هندية
en faite
في الحكاية هاذي بالذات عندنا مارك ديبوزي
كيما الصحن التونسي عنا زادة الحب التونسي
7 commentaires:
سامحني
آما في الحب التونسي عندك ما تشوف
وتعيش
@mosaique:اي صحيح
الصحن التونسي يخليلك الجاير
والحب التونسي يخلفلك الوجايع
MdR
الحب من غير وجايع موش حب
كل انسان يحب، يعرف مسبقا أنو باش يتوجع ويتألم ويقاسي ولكن بالرغم من ذلك يحب ويتمادى في الحب لأنو الحب يتواصل والألم يزول بوجود الحب
على خلاف صحن التونسي اللي بنتو الظرفية توفي بمجرد بلعان القدمة لولى
@mosaique:أفحمتني اما ما أقنعتنيش
الحب اي ما أحلاه الحب
ما عندي حتى شي على الحب
اما طريقة التوانسة في الحب...
؟؟؟
طريقة بشرية توة
بشرية العصر هاذا
في الحب والتاحبب
موش التوانسة فقط
جائز برشا صدقت الحلمة
صدقت خرايف مماتي
ومازلت عايشة في وقت التصاور البيضة والكحلة
وباقي نستنا في الحصان
وناسية زحمت الكار
استنى الحصان
يمكن يخطفوك
Enregistrer un commentaire