الييدين والسقين مخضبة بالحناء، ريحة الحرقوس تفوح ومن غادي تسمع:
طهّر يا لمطهّر...لا توجعلي وليدي ولا نغضب عليك...
كونفة صغار تدخل تجري: جا جا جا،
والنساء تزغرد وريري وريري،
ويدخل الطهّار عامل فاها وهرة، وقلبي أنا يتخلع
ولدي في حضني، يجيني خويا يحب يهزّو، نحملو تحميلة قوية،ما تكفينش،نزيد نعنقو ونقلّو نحبك راني برشة برشة...
ماما...ماما...
نترمى على كرسي ويجيبولي "بانو" بالماء البارد يغطسولي فيه ساقيّ، دمعتي سايلة، ولا فهمت روحي نضحك ولا نبكي، قلبي موجوع مخلوع، ولدي...كبدي...لانحب نطل لا نسمع...
والّي يطبطب على كتفي والّي يقلّي باش يولّي راجل...
ونسمع في بكاء يشرقع
وتخرج الدمعة حرّة: سمالله على ولدي...
أيّ الحمد الله على دين الإسلام، زغرطو يا نساء...
ونسمع في الطرشيقة، تكسيرة القلّة المليانة حلوة...تكسرت معاها العين وكونفة الزغار والكبار تجري باش تدبر بايها مالحلوة...
وأنا عيني مرشوقة في السماء، يا ربي،
الدنيا نرى فاها مضببة، الدمعة حبست في العين، لا نجمت نهبطها لا نرجعها، ساقي ثقلت ويديّ بردت، وصوت ولدي يبكي زاد رهوجني....
طشها بشوية ماء، تي طش...
..........
أي مبروك مبروك
تبسيمة صغيرة نرجع بيها لدنيتي
يبارك فيك يعيشك انشالله في حجّة...ونمشي للبيت الصغيرة.
ماما، لاباس عزيزي
أحّ ماما، أحّ زيزي، زيزي احّ ماما
سمالله على ولدي الغالي، أيّ نمشيو نعملو ببوحة في البحر؟
ببوحة بحر أوكة (فلوكة)
أي ماما نمشيو؟
يهزّ براسة أي ويرجع يبكي من جديد
يدخل فلان وفلتان، ويحطو بجنبو 10 و20
ماما ماما ووس(فلوس) تاع الناس...
لا روحي متاعك انت
طهّر يا لمطهّر...لا توجعلي وليدي ولا نغضب عليك...
كونفة صغار تدخل تجري: جا جا جا،
والنساء تزغرد وريري وريري،
ويدخل الطهّار عامل فاها وهرة، وقلبي أنا يتخلع
ولدي في حضني، يجيني خويا يحب يهزّو، نحملو تحميلة قوية،ما تكفينش،نزيد نعنقو ونقلّو نحبك راني برشة برشة...
ماما...ماما...
نترمى على كرسي ويجيبولي "بانو" بالماء البارد يغطسولي فيه ساقيّ، دمعتي سايلة، ولا فهمت روحي نضحك ولا نبكي، قلبي موجوع مخلوع، ولدي...كبدي...لانحب نطل لا نسمع...
والّي يطبطب على كتفي والّي يقلّي باش يولّي راجل...
ونسمع في بكاء يشرقع
وتخرج الدمعة حرّة: سمالله على ولدي...
أيّ الحمد الله على دين الإسلام، زغرطو يا نساء...
ونسمع في الطرشيقة، تكسيرة القلّة المليانة حلوة...تكسرت معاها العين وكونفة الزغار والكبار تجري باش تدبر بايها مالحلوة...
وأنا عيني مرشوقة في السماء، يا ربي،
الدنيا نرى فاها مضببة، الدمعة حبست في العين، لا نجمت نهبطها لا نرجعها، ساقي ثقلت ويديّ بردت، وصوت ولدي يبكي زاد رهوجني....
طشها بشوية ماء، تي طش...
..........
أي مبروك مبروك
تبسيمة صغيرة نرجع بيها لدنيتي
يبارك فيك يعيشك انشالله في حجّة...ونمشي للبيت الصغيرة.
ماما، لاباس عزيزي
أحّ ماما، أحّ زيزي، زيزي احّ ماما
سمالله على ولدي الغالي، أيّ نمشيو نعملو ببوحة في البحر؟
ببوحة بحر أوكة (فلوكة)
أي ماما نمشيو؟
يهزّ براسة أي ويرجع يبكي من جديد
يدخل فلان وفلتان، ويحطو بجنبو 10 و20
ماما ماما ووس(فلوس) تاع الناس...
لا روحي متاعك انت
يا ربي يخليك ويصلح رايك ويجعلك مالذرية الصالحة ويحبب فيك خلقو أمين يا ربي
3 commentaires:
مبروك عليه و العقبة للعرس إن شاء الله
فقط ملاحظة صغيرة: الطهارة أو التطهير ما عندهم حتى علاقة بالدين الإسلامي بمعنى إنو ماهوش فرض و الانسان ينجم يكون مسلم و مش مطهر. بل هي عادة قديمة و سنة محببة و صحية
تحياتي
@chanfara:Merci beaucoup mais c'est pas encore fait:)))
j'ai juste imaginé la scène et j'avais les larmes aux yeux tellement c'est touchant...
j'ai essayé de traduire le thour ezzamni telque je l'ai en mémoire.
Merci pour le passage.
Tres beau texte, touchant et émouvant !
merci pour cette sensibilité !
Enregistrer un commentaire