مالبارح وانا نخمم في حاجة...
بالطبيعة في ما يخص الحكاية الّي فايحة والباوغ طبالة تحكي علاها
ها الطفلة الّي "طردوها"من الامتحان
يدورو في مخي شوية تساؤلات:
زعمة هالأستاذة هذا الكل عيرود وما ينجم حتى حدّ يقلها لا ما عندكش الحق تخرجها الطفلة؟
على خاطر حسب ما نعرف في العسّة ثمّة على القليلة 2
وباش نخرّج حدّ لازمني نعلم العسّاس الّي يعس على العسّاسة
زعمة ها الأستاذة واصلة؟؟؟
ما تخافش على روحها؟؟؟
وها الطفلة...تي هاو ميزالت البركة أحنا في تونس وعنا تلامذة وطلبة ياقفو للمدرّس ويبجلوه ويقدروه
تي باهي برشا كي ما سمعتهاش ما تكره وما قلتلهاش ش مدخلك و مانيش خارجة
وكان حاشتك باش تخرجني جيبلي العميد والا البوليسية....
والله يعطيها الصحّة الطفلة بنت فاميليا
أكيد هي ماهي معرية كان الزنود الصدر راهو متخبي والسقين ما يبان منهم شيئ
والله أعلم شني الحكاية
وكمّل الطلبة زعمة فقدو التركيز بتعرية "الزنود" أكاهو والا بطرد زميلتهم
زعمة
زعمة
زعمة
صحّة للنبارة
Aucun commentaire:
Enregistrer un commentaire