دغديغة

إنْتِ شَمْسِي إنْتِ \ ما تْغِيبِيشْ \ إنتِ عُمْرِي إنتِ \ ما تْضِيعِيشْ

إنتِ روحي إنتِ \ ما تْخافِيشْ \ آنا نْحِبِّكْ انتِ \ وما نْخَبِّيشْ

*

آنا اللِي تْصَوَّرْتِك اِسْم كْتَابِي

وصَوّرْتِكْ على أوْراق شْبابِي

نستنّاك لْيالِي ولوْ ما تْجِيشْ

نخْترعِكْ في خْيالِي وبِيك نْعِيشْ

*

آنا اللي تْصوّرتِكْ على كِيفي

وصوّرتِكْ على أوْراق خْرِيفِي

نستنّاك لْيالِي ولو ما تْجِيشْ

نخترعِكْ في خْيالِي وبِيكْ نْعِيشْ

*

آنا اللي تْصَوّرتِكْ مَمُّو عِينِي

وصوّرْتِكْ بِيدِي عْلى خْطُوط جْبِينِي

نستنّاكْ لْيالِي ولو ما تْجِيشْ

نختَرْعِكْ في خْيالِي وْبِيك نْعِيشْ

*

آنا اللي تْصوّرتِكْ أحْلى بَسْمَةْ

وصوّرْتِكْ على شبّاكِي نِسْمَةْ

نستنّاك لْيالِي ولو ما تْجِيشْ

نخترْعِكْ في خْيالِي وبِيكْ نْعِيش

شعر: آدم فتحي

موسيقى: فولكلور أمريكا اللاتينيّة